O mundo rural está despoboado. Non só están a desaparecer os produtores agrogandeiros e a sabedoría ancestral vencellada ao rural, senón tamén a biodiversidade asociada a eles. Os produtores agrogandeiros asentáronse no territorio hai centos de anos, uns poucos miles, pola necesidade de abastecer de alimentos, non só aos habitantes das zonas rurais, senón tamén ás cidades, grandes e pequenas. Ao longo dos séculos, estes coñecementos foron perfeccionándose por ensaio e erro ou por transferencia de coñecemento con outras zonas rurais, viaxeiros, trashumantes, etc. A biodiversidade evolucionou con eles, xerando espazos ricos en especies de flora e fauna. Hoxe, o abandono do medio rural está a deixar amplos territorios sen xestión humana, cos conseguintes cambios na biodiversidade e na paisaxe deses lugares..