Conservación da biodiversidade e os ecosistemas acuáticos en convivencia coa gandería extensiva
Desde a Asociación Corripa queremos visibilizar a importancia de conservar as formas tradicionais de practicar unha gandería sostible como garantía dun mundo rural cheo de futuro, biodiversidade e un patrimonio cultural de gran riqueza.
Neste proxecto pretendemos analizar a convivencia que pode existir entre o manexo gandeiro e a conservación de especies de flora e fauna. Para iso, seleccionamos á Casa Vázquez de Trasliste (Láncara) e a Granxa Teixeiro E Pistón de Becerreá, cos que xa temos asinado un acordo de Custodia do Territorio desde 2021.
- Casa Vázquez é unha iniciativa de referencia que se dedica ao gando vacún e á produción de mazás en ecolóxico na Reserva da Biosfera “Terras do Miño”.
- Granxa Teixeiro E Pistón dedícanse ao gando caprino en la Reserva da Biosfera “Os Ancares Lucenses e Montes De Navia, Cervantes e Becerreá”.
Este proxecto dá continuidade a labor realizada durante 2 anos de actuacións desenvolvidas en ambas reservas, nas que colaboramos con 20 produtores agrogandeiros, garantes da conservación da biodiversidade e o patrimonio cultural dos nosos avós.