No marco do proxecto Produtores agrogandeiros, conservación da biodiversidade e patrimonio etnográfico na Reserva da Biosfera “Terras do Miño” a Asociación Corripa organizó 2 xornadas divulgativas.
- Unha xornada formativa para profesorado e alumnado, no IES Plurilingüe San Rosendo de Mondoñedo, co fin de dar voz aos agricultores e gandeiros da Reserva da Biosfera e mostrar os elementos da biodiversidade e do patrimonio etnográfico identificados no seu territorio.
- Unha xornada de presentación dos resultados do proxecto do 30/11/2021 na que se convocaron diferentes axentes do territorio relacionados co turismo, a formación agraria, os concellos implicados, as administracións, as asociacións do territorio e a cidadanía en xeral.
